----------------------------------------------------------------
တစ်စုံတစ်ခုကြောင့် သင်စိတ်အနှောင့်အယှက်ဖြစ်နေရတယ်ဆိုရင် အဲ့ဒီအကြောင်းအရာနဲ့ပတ်သက်ပြီး သိပ်မတွေးနေပါနဲ့... သင့်ရဲ့ မနက်ခင်းကို သတင်းဆိုးတွေနဲ့မစတင်မိအောင် ကြိုးစားပါ... အကယ်လို့ သင့်မှာ ကြင်ဖော်ကြင်ဖက်ရှိမယ်ဆိုရင် တတ်နိုင်သလောက် သူ့ကိုဂရုစိုက်ပေးပါ... အခုဖော်ပြပေးမယ့်အကြောင်းအရာတွေကတော့ ဝမ်းနည်းမှုတွေကို ဘယ်လိုရပ်တန့်နိုင်မလဲဆိုတာနဲ့ စိတ်ဓာတ်ကျဆင်းမှုထဲ နစ်မြှုပ်မသွားအောင် ဘယ်လိုလုပ်ဆောင်ရမလဲဆိုတာတွေကို ရှင်းလင်းဖော်ပြပေးထားတာဖြစ်ပါတယ်...
စိတ်မသက်မသာဖြစ်နေတဲ့အချိန်မှာ ကျွန်တော်တို့ရဲ့ အကောင်းမြင်မှုနဲ့ ကိုယ့်ကိုယ်ကိုယုံကြည်မှုတွေဟာလည်း ကျဆင်းလာပါတယ်... ဦးနှောက်ရဲ့လုပ်ဆောင်ချက်နှေးကွေးလာပြီး အကြောင်းအရာသစ်တွေကို ကိုင်တွယ်ဖြေရှင်းတဲ့အခါမှာ ပြဿနာတွေနဲ့ ရင်ဆိုင်လာရပါတော့တယ်... မောပန်းနွမ်းနယ်လာပြီး ခက်ခဲတဲ့ဘယ်အလုပ်ကိုမှ လုပ်ဆောင်ချင်စိတ်မရှိတော့တာမျိုးလည်း ခံစားရပါတယ်....
အောက်ပါအချက်များကတော့ ဝမ်းနည်းမှုတွေကိုဖြေဖျောက်ပြီး စိတ်သက်တောင့်သက်သာဖြစ်စေနိုင်မယ့် နည်းလမ်းလေးတွေဖြစ်ပါတယ်....
၁) အိပ်ရေးဝအောင်အိပ်ပါ
ကျွန်တော်တို့အနေနဲ့ အိပ်ချိန် ၆ နာရီကနေ ၈ နာရီအတွင်းရှိသင့်ပါတယ်... လူတစ်ယောက်နဲ့တစ်ယောက်အတွက် အိပ်ချိန်လိုအပ်ချက်ကတော့ ကွဲပြားခြားနားမှုရှိနိုင်ပါတယ်... ဒါပေမဲ့ အကြမ်းအားဖြင့်တော့ ဒီနှုန်းအတွင်းမှာရှိနေကြပါတယ်.... တစ်ပတ်လုံး အိပ်ရေးပျက်ပြီးပင်ပန်းနွမ်းနယ်လာသမျှကို စနေတနင်္ဂနွေရုံးပိတ်ရက်လိုမျိုးမှ အချိန်အကြာကြီးပြန်အိပ်ပြီး အားပြန်ဖြည့်တာဟာ တကယ်တော့ သိပ်အလုပ်မဖြစ်ပါဘူး....
တစ်နေ့ကို တစ်နာရီလောက်ပဲအိပ်ရေးပျက်ရုံနဲ့တင် နောက်တစ်ရက်မှာ သင့်ရဲ့စွမ်းဆောင်ရည်ကို ထိခိုက်ကျဆင်းစေနိုင်ပါတယ်.... ကာလရှည်အိပ်ရေးပျက်ခြင်းဟာ သင့်စိတ်ကို မသက်မသာဖြစ်စေပြီး သင့်ရဲ့တွေးတောနိုင်စွမ်းနဲ့ စိတ်ကူးပုံဖော်နိုင်စွမ်းတို့ကိုပါ ကျဆင်းစေနိုင်ပါတယ်...
၂) သင့်ကိုစိတ်အနှောင့်အယှက်ဖြစ်စေတဲ့ အကြောင်းအရာများကိုမတွေးပါနဲ့
စိတ်အနှောင့်အယှက်ဖြစ်စေတဲ့ အကြောင်းအရာတွေကို ထပ်ခါထပ်ခါစဉ်းစားတွေးတောနေခြင်းဟာ ဦးနှောက်ထဲက အလိုအလျောက်လုပ်ဆောင်မှုအစိတ်အပိုင်းတွေကနေ စိုးရိမ်သောကဆိုင်ရာ ခံစားချက်များပိုမိုဖြစ်ပေါ်လာစေပါတယ်... ဒီအကျိုးဆက်ကြောင့် ဆုံးဖြတ်ချက်မှားယွင်းခြင်းနှင့် စိတ်ပျက်အားငယ်ခြင်းများကို ဖြစ်ပေါ်စေနိုင်ပါတယ်....
ဦးနှောက်ရဲ့ ထပ်ခါထပ်ခါလုပ်ဆောင်မှုတွေကို ရပ်တန့်စေဖို့အတွက် သင့်အနေနဲ့ မတူညီတဲ့အတွေးအမြင်တွေကို ဖြည့်စွက်ပေးဖို့လိုပါတယ်... ဒီအတွေးအမြင်တွေက မကောင်းတဲ့အကြောင်းအရာတွေကို ငြင်းပယ်ဖို့ တွန်းအားပေးပါလိမ့်မယ်...
ဒီနည်းနဲ့ သင့်ရဲ့စိတ်ဒဏ်ရာကို သက်သာစေနိုင်ပြီး သက်တောင့်သက်သာခံစားရစေနိုင်ပါတယ်... ဒီအကြောင်းအရာအပေါ် ဖြေသိမ့်တွေးနိုင်မယ့်အမြင်မျိုးလည်းရရှိလာနိုင်ပါတယ်.... စိတ်ဝင်စားစရာ ရုပ်ရှင်ဇာတ်ကားကောင်းတစ်ကားကြည့်လိုက်တာမျိုး... ဒါမှမဟုတ် သူငယ်ချင်းတွေနဲ့ တွေ့ဆုံစကားပြောလိုက်တာမျိုးဟာ အလုပ်ဖြစ်တဲ့ ကုထုံးတွေဖြစ်ပါတယ်....
၃) အိပ်ရာမဝင်ခင် ကြည်နူးစရာ စာအုပ်တစ်အုပ်ကို ဖတ်ပါ သို့မဟုတ် ကြည်နူးစရာ ရုပ်ရှင်ဇာတ်ကားတစ်ကားကို ကြည့်ပါ
အိပ်ရာဝင်ခါနီးမှာ မကောင်းတဲ့ အမြင်တွေတွေ့မြင်ခဲ့ရင် မကောင်းတဲ့ စိတ်ခံစားချက်ဖြစ်ပြီး အိပ်မက်ဆိုးတွေမက်တတ်ပါတယ်.... ဒီလို မကောင်းတဲ့အကြောင်းအရာတွေကို သင့်စိတ်ထဲမှာ မမှတ်မိနေတာတောင်မှ နောက်တစ်နေ့အထိ အဲ့ဒီခံစားချက်တွေက သင့်အပေါ်အကျိုးသက်ရောက်မှုရှိနိုင်ပါတယ်....
အိပ်မက်ဆိုးတွေမြင်မက်ခြင်းကြောင့် အာရုံကြောတွေထဲ မကောင်းတဲ့ခံစားချက်တွေ ပျံ့နှံ့နေပြီး တကယ့်လူမှုဘဝမှာလည်း အဲ့ဒီစိတ်ခံစားချက်တွေရဲ့ သက်ရောက်မှုကို တစ်နေ့လုံးခံစားနေရနိုင်ပါတယ်...
၎) သင့်မနက်ခင်းကို သတင်းဆိုးတွေ... ကျက်သရေမရှိတဲ့အကြောင်းအရာတွေနဲ့ မစတင်ပါနဲ့
မနက်ခင်းတိုင်းမှာ သင်စိတ်ဝင်စားတဲ့အကြောင်းအရာ ဒါမှမဟုတ် အားကစားသတင်းလိုမျိုး ပေါ့ပေါ့ပါးပါးသတင်းမျိုးတွေကိုပဲ ဖတ်မိအောင်ကြိုးစားပါ... မနက်ခင်းမှာဖြစ်တဲ့ ခံစားချက်ဟာ တစ်နေကုန် အကျိုးသက်ရောက်မှုရှိပါတယ်....
၅) အိမ်ထောင်သည်တွေအနေနဲ့ အိမ်ထောင်ဖက်နဲ့ နေ့စဉ်ချစ်ကြင်နာနိုင်ဖို့ ကြိုးစားပါ
ဒါနဲ့ပတ်သက်ပြီး သင်က ငြီးငွေ့နေမယ်.... ဒါမှမဟုတ် အမြဲတမ်းဆန္ဒမရှိဘူးဆိုရင်တောင်မှ အိမ်ထောင်ဖက်နဲ့ အတူနေပြီးတိုင်း ဦးနှောက်ထုတ်ပေးတဲ့ endorphins ကြောင့် ကျွန်တော်တို့ရဲ့ ရှုမြင်တွေးခေါ်ပုံဟာ သိသိသာသာပြောင်းလဲသွားနိုင်ပါတယ်... ဒါ့အပြင် ဒီကနေရရှိတဲ့ သာယာမှုဟာလည်း စိတ်ခံစားချက်အပေါ် အကျိုးသက်ရောက်မှုရှိပါတယ်...
၆) အခြေအနေဆိုးတွေက သင့်ဘဝမှာဘယ်လိုသက်ရောက်မှုရှိခဲ့လဲဆိုတာ ပြန်စဉ်းစားပါ
ဥပမာအားဖြင့် သင်ကျောင်းသားဘဝက မတက်ခဲ့ရတဲ့ပွဲတွေ... ကျောင်းတုန်းကကျခဲ့တဲ့ စာမေးပွဲတွေအကြောင်း ပြန်စဉ်းစားကြည့်ပါ... အခုအချိန်မှာ ဘာမှမဟုတ်တော့တာကိုတွေ့ရပါလိမ့်မယ်... လက်ရှိကြုံတွေ့နေရတဲ့ ပြဿနာတွေကလည်း အဲ့လိုပါပဲ... အနာဂတ်အပေါ် သက်ရောက်မှုရှိချင်မှ ရှိနိုင်ပါတယ်...
၇) တစ်နေကုန်အလုပ်တွေပြီးတဲ့အခါ လေ့ကျင့်ခန်းလုပ်ဖို့ကြိုးစားကြည့်ပါ...
အိမ်ပတ်ဝန်းကျင်ကို ခွေးလေးတစ်ကောင်ဆွဲပြီး လမ်းလျှောက်လည်တာမျိုး... ဒါမှမဟုတ် ပန်းခြံထဲ ခဏတဖြုတ်လမ်းလျှောက်ထွက်တာမျိုး လုပ်ပါ... ဒီလိုလုပ်ခြင်းအားဖြင့် တစ်နေကုန်ပင်ပန်းခဲ့သမျှ ပင်ပန်းနွမ်းနယ်မှုတွေပျောက်ကင်းပြီး ခံစားချက်တွေပြောင်းလဲ လာပါလိမ့်မယ်... သင့်အားလပ်ချိန်ကိုလည်း ပျော်ရွှင်စွာဖြတ်သန်းနိုင် ပါလိမ့်မယ်....
၈) အချစ်ကိုရှာဖွေပါ ယုယကြင်နာပါ...
လူနှစ်ဦးကြားမှာအချစ်ဖြစ်ပေါ်တဲ့အခါ Oxytocin ဆိုတဲ့ ဟော်မုန်းတစ်မျိုးထွက်လာပါတယ်... ဒီဟော်မုန်းကြောင့် ကိုယ့်ကိုယ်ယုံကြည်လေးစားမှု မြင့်မားလာနိုင်သလို စိတ်တည်ငြိမ် ငြိမ်းချမ်းမှုရဖို့လည်း အထောက်အကူပြုပါတယ်.. လူတစ်ယောက်နဲ့တစ်ယောက်ချစ်ခင်စုံမက်တဲ့အခါမှာ ဦးနှောက်ကနေ ပျော်ရွှင်မှုနဲ့ လှုပ်ရှားတက်ကြွမှုကိုဖြစ်ပေါ်ခံစားစေနိုင်တဲ့ Dopamine ကို ထုတ်ပေးပါတယ်... ဒါပေမဲ့ အဲ့ဒီဓာတ်ဟာ ချစ်ခြင်းအတွက် အဆင့်တစ်ဆင့်မျှသာဖြစ်ပြီး နောက်ပိုင်းမှာတော့ Oxytocin ကို ဆက်လက်ထုတ်ပေးသွားပါတယ်...
---------------------------------------------------------------
မူရင်းရေးသားသူကို ကျေးဇူးအထူးတင်ရှိပါသည်။ :)
No comments:
Post a Comment