ဘဝမှာ အစားထိုးလို့ရတဲ့ဆုံးရှုံးမှုရှိမှုရှိတယ်
အစားထိုးမရတဲ့ဆုံးရှုံးမှုရှိတယ်
ဘယ်လိုဟာကိုအစားပြန်ထိုးလို့ရတယ်
အစားပြန်ထိုးမရဘူးဆိုတာတော့ သိထားဖို့လိုတာပေါ့
လူတယောက်နဲ့ပတ်သက်ပြီးအစားထိုးမရတာ
မိဘပဲရှိတယ် ။ မိဘကလွဲပြီးတခြားအစားထိုးမရတာမရှိဘူး
နောက်အချိန် ကိုယ့်ဘဝတိုးတက်ရာလမ်းကြောင်း
ဒါမှမဟုတ်ပညာရေး ရည်မှန်းချက်ပန်းတိုင်တခုခုအတွက်ကြိုးစားနေချိန်မှာ
အချိန်ဆိုတာ အစားပြန်ထိုးလို့မရဘူး
သံယောဇဉ်ဖြစ်စေ ၊ အချစ်ဖြစ်စေ
လူတယောက်မနှစ်သက်လို့ကိုယ့်ကိုထားသွားတဲ့အခါ
ဒါမှမဟုတ် အကြောင်းကြောင်းကြောင့်ကွဲကွာခဲ့တဲ့အခါ
အဲဒီလိုဆုံးရှုံးမှုမျိုးဟာ အချိန်တခုကြာရင်အစားပြန်ထိုးလို့ရတယ်ဆိုတာသိထားဖို့လိုတယ်
တချို့တွေမှာ အစားပြန်ထိုးလို့ရတဲ့ဆုံးရှုံးမှုကိုခံစားနာကျင်နေပြီး
အစားပြန်ထိုးမရတဲ့အချိန်တွေကိုပါထပ်ပြီးဆုံးရှုံးဖို့ကြိုးစားတယ်
အသဲကွဲတယ် နာကျင်တယ်ဆိုတဲ့အချက်နဲ့
ကိုယ့်ဘဝလမ်းကိုချိနဲ့အောင်အချိန်တွေကို ဖြုန်းတီးပစ်တယ်
အဲဒီလိုလူတွေဟာ ဘဝမှာနှစ်ခါရှုံးသူတွေပဲ
နှလုံးသားလည်းရှုံးတယ် ကိုယ့်ဘဝလည်းရှုံးတယ်
နှလုံးသားရှုံးရင်ရှုံးပါစေ ကိုယ့်ဘဝမရှုံးအောင်နေတတ်ဖို့လိုပါတယ်
ဘဝဆိုတာပင်လယ်ဆိုပါတော့
အဲဒီပင်လယ်ထဲလှေတစီးနဲ့တစုံတယောက်နဲ့အတူလှော်ဖို့ကြိုးစားတယ်
အတူမလှော်နိုင်ပဲ လမ်းခုလတ်မှာပြုတ်ကျကျန်ခဲ့လည်း
ကိုယ်တယောက်တည်းဆက်လှော်ရမှာပဲ..။ ရပ်နေလို့မှမရပဲ
ဘယ်သူတွေဘယ်လိုထားသွားခဲ့ပါစေ
တယောက်တည်းဘဝဆိုတာလှော်ခတ်ရဲဖို့လိုပါတယ်
ခင်မင်လျက်
ကောင်ကလေး
No comments:
Post a Comment